R.3
Discurrer
C
Discurrer a moda dialogica
1
Las scolaras ed ils scolars san sa participar activamain ad in dialog.
renviaments
R.3.C.1
Las scolaras ed ils scolars ...
1
a
- san percepir il partenari da discussiun sco visavi e sa metter en contact cun el.
- san eleger sezs ina rolla famigliara e far part activamain ad in gieu.
b
- san respunder a dumondas ch'èn drizzadas directamain ad els.
- san sa participar a curts e simpels discurs.
- san resguardar en fasas curtas las reglas da discurs (p. ex. s'annunziar avant che discurrer, sa drizzar a la persuna ch'ins pledenta, duvrar la furma da curtaschia).
c
- san formular cleramain sin dumonda ina contribuziun al discurs.
- san integrar lur contribuziun a moda adequata en in discurs (p. ex. reagir a moda empatica, betg vulneranta).
- san manar simpels discurs dal mintgadi a moda independenta e nizzegiar medias per tgirar contacts existents (p. ex. discurs al telefon cun enconuschents).
2
d
- san integrar lur contribuziun en discurs pli lungs a moda adattada e far contribuziuns tematicamain adattadas.
- san spetgar cun lur contribuziun da discurs fin ch'ils auters han formulà a fin lur contribuziun.
e
- san signalisar ad uras lur contribuziun a moda nonverbala e cun signals verbals (p. ex. segn cun il maun).
- san preparar e moderar in discurs (p. ex. discurs al telefon, discussiun en classa).
- san moderar ina lavur da gruppa, sche tala sa basa sin instrucziuns cleras (p. ex. sa tegnair al temp, fixar ils resultats).
- san per gronda part sa tegnair vi da reglas da discurs dadas avant (p. ex. s'annunziar avant che discurrer, sa drizzar a la persuna, cun la quala ins discurra).
- san integrar lur patratgs en il discurs ed als precisar e rinforzar sin dumonda lur opiniun cun in argument.
f
- san formular lur opiniun en disputs e discurs orientads envers in consens e sutlingiar lur posiziun cun in argument.
- san surpigliar la moderaziun tar simplas tematicas ed en curts discurs (p. ex. iniziar la lavur da gruppa, cussegl da classa).
3
g
- san sa referir en il discurs a contribuziuns dad auters.
- enconuschan ils puncts impurtants d'in discurs da preschentaziun (p. ex. decurs, demananza, reglas da discurs) e als san applitgar en in discurs da preschentaziun giugà.
h
- san preparar in discurs da preschentaziun cun agid da dumondas directivas e cun sustegn uschia ch'els san s'exprimer a moda intenziunada e chattan respostas a dumondas nunspetgadas.
- san sa preschentar en in discurs da preschentaziun giugà a moda persvadenta e chattan respostas a dumondas nunspetgadas.
- san reagir a moda empatica sin arguments dad auters e san sa referir cun lur atgna contribuziun a quels.
- san resguardar independentamain reglas da discurs e sche necessari las amplifitgar e modifitgar u tematisar en il discurs (p. ex. s'annunziar avant che discurrer, sa drizzar envers quel ch'ins pledenta).
i
- san moderar in discurs (preparar, manar, evaluar).
- san tegnair en moviment in discurs cun atgnas contribuziuns ed al moderar cun clera finamira.
- san sa participar independentamain ed a moda adattada a l'adressat ad in discurs cun differents participants da discurs (p. ex. giuvenils, creschids, famigliar/betg famigliar).
j
- san preparar e moderar independentamain ina discussiun.
- san resumar l'impurtant da contribuziuns da discurs per structurar il discurs.
- san argumentar en debattas e midar la perspectiva.
- san iniziar in discurs cun persunas nunenconuschentas.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016